പെരുവെമ്പ
ഗ്രാമ പഞ്ചായത്ത്

പാലക്കാട് ജില്ലയിലെ പാലക്കാട് താലൂക്കില്‍ കൊല്ലങ്കോട് ബ്ളോക്കില്‍ പരിധിയില്‍ വരുന്ന ഉള്‍പ്പെടുന്ന ഗ്രാമപഞ്ചായത്താണ് പെരുവെമ്പ് ഗ്രാമപഞ്ചായത്ത്. തണ്ണിശ്ശേരി, പെരുവെമ്പ്, പാലത്തുള്ളി എന്നീ മൂന്നു പ്രദേശങ്ങള്‍ ഉള്‍പ്പെട്ട ഈ പ്രദേശത്ത് പാലത്തുള്ളിദേശം മാത്രം ഉള്‍ക്കൊള്ളിച്ച് 1956-നു മുന്‍പ് പാലത്തുള്ളി പഞ്ചായത്ത് നിലവില്‍ വന്നു. തണ്ണിശ്ശേരി ദേശവും, പെരുവെമ്പ് ദേശവും ജില്ലാ ബോര്‍ഡിന്റെ ഭരണത്തിലായിരുന്നു. പിന്നീട് 1956-ല്‍ പാലത്തുള്ളി പഞ്ചായത്തിനേയും, ജില്ലാബോര്‍ഡിന്റെ ഭരണത്തിന്‍ കീഴിലായിരുന്ന പെരുവെമ്പ് തണ്ണിശ്ശേരി ദേശങ്ങളേയും ഉള്‍ക്കൊള്ളിച്ചുകൊണ്ട് പെരുവെമ്പ് പഞ്ചായത്ത് രൂപീകരിച്ചു. ഇതോടനുബന്ധിച്ച് സര്‍ക്കാര്‍ വിജ്ഞാപനം ഇറക്കുകയും ചെയ്തു. 1956-നു ശേഷം 1961-വരെ വീണ്ടും പെരുവെമ്പ് എന്നും പാലത്തുള്ളി എന്നും രണ്ട് പഞ്ചായത്തുകള്‍ പ്രവര്‍ത്തിച്ചുവന്നു. യഥാര്‍ത്ഥത്തില്‍ പെരുവെമ്പ്...